الأب بيتر حنا: قلتلو يا رب وينك؟

مسبحة قلب يسوع الأقدس

قلتلو: يا رب، وينك؟

قلّي: أنا حدّك..

قلتلو: بس مش دايمًا عم إقشعك

قلّي: مش دايمًا عم تطلع فيي..

قلتلو: أنا مزعوج، لأن بحس أوقات مش عم إقدر صلّي وإحكيك

قلّي: ورغم هيك عم إسمعك..

قلتلو: عم خاف، عم حس أوقات إنك ما عم تحميني

قلّي: ما بقدر فرجيك كل الاشيا اللي عم إبعدا عنك وإحميك منها..

قلتلو: بخاف من حالي أوقات، بخاف شي نهار إبعد عنك

قلّي: ما تخاف، لأن رح إلحقك..

قلتلو: بس عم حس إني وحيد، عم إنسى أوقات إنو عندي أب..

قلّي: أنا مستحيل إنسى إنو عندي إبن..

قلتلو: عنجد إنتا موجود؟

ما قال شي.. سكَت.. وابتسم.. ابتسملي من قلبو