مايو 27, 2019

الأب مجدي العلاوي: دعمكم بيرجعلكن

خادم جمعية سعادة السماء الأب مجدي العلاوي.

كما أنا أحبَبتُكم ، أحِبُّوا أنتم أيضاً بَعضُكم بَعضاً . إذا أحبّ بعضُكُم بعضاً عَرَف الناس جميعاً أنكُم تلاميذي ” ( يوحنا ١٣ : ٣٤ )، 

إتصل على ١٤٠ بردوا بسرعة عليك ودقايق بيكونوا عندك..

صبايا وشباب الصليب الأحمر اللبناني ندروا حياتن لخدمة إخوتن متبعين كلام المسيح مجانا أخذتم مجانا أعطوا

عطائن ما إلو حدود دايما سهرانين على وجع الناس ..

بيوصلوا بسرعة البرق بيفحصوا المريض بعناية ودراية وإذا بحاجة لمستشفى بيقلبن بيحملوا وبين إيدين أمينة بيودعوا ،إذا بتعرض علين مصاري بيقولولك نحنا متطوعين والمادة ما بتعنينا والخدمة رسالتنا.

عالطرقات واقفين ،حاملين صناديق ما تتردد تساعد ،المرض اليوم صاب جارك او صديقك ويمكن بكرا يكون دورك تأكد هالمبلغ الصغير قادر ينقذ حياة ، ريع المبلغ بيعود لتنمية المشاريع الإنسانية ولمصاريف المراكز المنتشرة على مساحة الوطن.

دعمكم بيرجعلكن.