أغسطس 6, 2020

الأب مجدي العلّاوي: قلبي غضبان وعم يعرق دم شو عملتوا فينا؟

Screenshot 20200806 094403 WhatsApp

طمني يا خيي اللبناني كيف قادر بعد تعيش؟

حالتك متل حالتي؟

قلبي غضبان وعم يعرق دم ويشتم ويلعن الشيطان الساكن بقلوب حكامنا…

ليه الموت؟ ليه القهر؟ ليه العذاب؟ ليه الشحادة؟ ليه الإعاقات؟ ليه البطالة؟ ليه السرقة؟ ليه خراب بلد وتشريد أهله؟

شو عملتوا فينا؟

قتلتوا السلام العايش فينا وما عم نعرف نرتاح صورة الموت قدام عيوننا ليل نهار وإنتو نايمين على فراش حرير والمكيف ما بتطفوا تتناموا مرتاحين.

كونوا واثقين دم الشهداء رح يقلق ضميركن وينال منكن، صراخ الإمهات وصل للسما. سمعتوا؟؟؟

يا ويلكن من عدالة ربنا…

زرع الارض يبس جف واحترق.

منادي اهل السما ومناشدن:

ازرعوا من السماء أمان وسلام واسقونا وطن يشفي الجراح، يباس من جوا وبرا،صرنا صحراء قاحلة ، شتوا علينا من نعم السما يا قديسي لبنان.

حلول الأرض انتهت ومع عيد تجلي الرب منطلب تجليك على جبل آلام وطننا لبنان.

خادم جمعية سعادة السماء الأب مجدي العلاوي.

‫شاهد أيضًا‬

بيان مجلس المطارنة – شباط ٢٠٢٣

بيان مجلس المطارنة – شباط ٢٠٢٣ نهار الأربعاء 1 شباط 2023، عقد أصحاب السيادة المطارنة…