أكتوبر 1, 2021

الأب مجدي العلّاوي: يا سيدة الوردية خلّي عطرك يفوح ويجدد وجه الأرض

خادم جمعية سعادة السماء الأب مجدي العلاوي

أعطفي نظرك علينا يا سلطانة الوردية…

شو اشتاقت أرضنا لريحة عطرك ،انثري يا عدرا بشهر الوردية نعم سماوية تكون هدية لأهل الأرض.

يا عدرا إنتِ إمنا ودايماً الولد بيلتجي لإمه فيا عدرا خلصينا واشفي العالم من الأوبئة المغلغلة فينا:

كره،حقد،أنانية،سلطة…
تَمَلّك وقلة المحبة هي أكبر وباء.

يا سيدة الوردية خلّي عطرك يفوح ويجدد وجه الأرض، خلي عينك عا وطننا يللي ريحة الموت بعدها عم تعبق فيه.

شفاعتك يا عدرا للمحزونين، للموجوعين، للمشردين، للمضطهدين، للمرضى…

يا عدرا مشاكلنا كتيرة: جوع، وجع، وباءكورونا، ضيقةسياسية، إقتصادية، إجتماعية…

وطننا مفلوج، قولي لإبنك يسوع “خلص الخمر”.

صلوا المسبحة كل يوم، هي سلاحنا للإنتصار على الشيطان، سلاحنا ضد القلق والخوف، ومع كل السلام عليك يا مريم سلامها بيغمركن وبيقود خطاكن.

‫شاهد أيضًا‬

إختتام التحقيق الرسمي في رفات خادم الله الكاردينال كريكور بيدروس الخامس عشر أغاجانيان

المصدر: بطريركية الأرمن الكاثوليك إختتام التحقيق الرسمي في رفات خادم الله الكاردينال كريكو…