الحقيقة والباطل، وقديش في ناس بتخاف من الصدق..

كلمتين عالماشي مع الأب فادي تابت

قديش في ناس بتكذِّب فكرها انو بكذبها بتجذب إلها الناس للاعجاب وبتخاف من الصدق لأنو بنظرها الحقيقة رح تبعِّد الناس عنها، وبِعيشو الكذبة اللي بتصير تجر الكذبة والحياة بتنبنى عالمظاهر الكذّابة وبيتلاقو اصحاب الكذبة وبيبنو مملكتهن عالمظاهر، مملكة ما فيها مراية بتحطن قدام ذواتهن وحقيقتهن، بِنصّبو حالن حكام عا غيرن وبيحكمو عالصادق اللي ما بينتمي إلهن بالموت والتجريح والقدح والذّم.

على امل انو الشمس ترجع تطلع بعتمة المواقف المزيفة والحقيقة تنوّر عا اصحابها وينقطع حبل الكذب وتنبنى الاوطان عالشفافية اللي حلمنا فيها بامبراطورية افلاطون.

كلمتين عالماشي بدها تقلك اليوم: ساعتها ما بتعود تضطر حتى تحافظ عا راسك وتعيش بالكذبة وتبتسم لأشخاص رغم معرفتك انن منافقين، ساعتها بتقول كلمتك وبتمشي واذا انتقدوك تأكد انو الصاعقة ما بتضرب الا الجبال الشامخة والمنحدرات ما بيروح عليها الا الميّ الراكدة. 

الله معك!

‫شاهد أيضًا‬

القصة من طرف واحد غلط والحكم على شخص من موقف واحد ظلم

مرحبا، بكل قضية في تلات حقايق: القصة من مَيلة أوّل شخص، والقصة من مَيلة تاني شخص، والحقيقة…