من يُهين البطريرك صفير يُهين نفسه… يا للعار

الخوري فريد صعب

يا للعار.. يا للعيب.. يا للمسخرة…

إنتو سمعوا وحكموا ووصلوا الصوت لكل الدني…

دكتور اسمر العظيم يعقد مؤتمر صحفي للحفاظ على حقوق الموظفين والعمال وهو بحاجة لمؤتمر مستدام بالأخلاق واللياقة والحفاظ على حرمة الموت والمقامات والإنسان…

كيف إلك عين تقول هالكلام :”إذا كان المساس بحقوق الموظفين والعمال والمستخدمين والعسكريين والمتقاعدين خطاً أحمر فإنّ المساس بعمال وموظفي القطاع الخاص هو أيضاً خطاً أحمر”.

كيف إلك عين تطالب بالحقوق وأبسط واجباتك الأدبية ضايعة بين إجريك… بس بقلك نصيحة، مش بس اعتذر يا دكتور… بنصحك تقعد بالبيت وترتاح تا نقدر نصدق ونآمن بالناس الي عم بتطالب بحقوقنا.. ومش نقطة عالسطر… نقطة نهائية.

تأكد يا دكتور إنو البطريرك من سماه عم يصليلك تا ربنا يعليلك مستوى تفكيرك من بين إجريك لمطرح الدماغ ربنا يغفرلك ويهديك.

منشكرك…

الخوري فريد صعب