ديسمبر 3, 2019

الشاب إلياس طوق من بكركي: جيت قول أنا موجوع وعلى آخر نفس

أنا جيت اليوم من هالصرح الوطني تحطّ صرختي وصرختنا بقلب بطركنا لهو دايماً حامل صوت ألحق.

جيت قول أنا موجوع وعلى آخر نفس.

جيت أوقف وقفة حدا تعبان حدا مرهق وللأسف مش أول مرة منضطر نوقف هالوقفة.

صرلي 6 سنين عم بشحد حقي عم بشحد نفس لمؤسسة حضنتني وخلّت نفسا من نفسي, مؤسسة حملت معي التعب حملت معي الوجع حملت معي المعاناة بطريق أبداً ما كان هيّن ت تقلّي أنا كرمالك موجوده وأنا لحياتك بناضل.

اليوم أنا شاب متل 12000 شب وصبيه مع اهلن عيونن عم تدمع, ايه عيونن عم تدمع, مش من ورا إعاقتن لأ من ورا دولتن هالأشخاص يلي هني عنجد موجعين.

عبالنا نقول ونصرخ إنو إذا مؤسساتنا بتموت نحن منموت، إذا مؤسساتنا بتسكّر نحن حياتنا بتخلص, هلقد الوجع كبير هلقد المعاناة كبيرة.

إيه يا دولتي أنا مش عم بحقك تحدي عم بحكيكي ت قلك وبصوت عالي إنو هلقد نحن موجعين, بكل دول العالم الإنسان خط أحمر ليش بدولتي أنا الموضوع مختلف ليش كل شي قبل الإنسان.

المؤسسة يلي تعوّدت تمسحلي دمعتي ودمعة أهلي اليوم هي عم تبكي المؤسسة يلي تعوّدت تخففلي وجعي اليوم هي موجوعة المؤسسة يلي تعوّدت تأمنلي ع مستقبلي اليوم هي خايفانة ع مستقبلنا.

ليش يا دولتي ليش؟ ليش كل مرة بقول انك استلمتي الرسالة وكل شي رح يكون تمام بطلع غلطان.

ليش دايماً بدي فسّرلك وإرجع فسّرلك واجرع فسّرلك عن أهمية حياتي بوقت يلي إنت لازم تكوني سهراني ع حياتي.

ليش المؤسسة الوحيدة يلي اهتمت فيّ بدا توصل لهون؟!

بعرف أسئلتي صعبة وما إلها جواب بس كوني أكيدة إنو وضعي أصعب مشان هيك أنا اليوم هون.

وأنا مش عم بحكي كرمالي, عم بحكي كرمالك…

يا دولتي! لأنو عار عليك الإنسان فيكي يكون بخطر, عنجد عار.

عم بحكي كرمال مجتمعي يلي أنا بشتغل عليه ليل نهار تحافظ في ع إنسانيتو, الإنسانية يلي إذا خسرها, بكون خسر كل شي..

يا دولتي! ما تخلينا نموت لأنو إذا متنا بتموتي معنا..مش الدوله كرمال الإنسان؟؟

إيه! إذا متنا, دولتنا بتموت معنا لأنو الدوله كرمال الإنسان, وإذا راح الإنسان لمين بتبقى الدوله؟



البطريرك الراعي ندّد بالاعتداءات الاسرائيلية على الفلسطينيين بكركي – الثلاثاء 11 ايار 2021

نشاط البطريرك الراعي- بكركي الثلاثاء 11 أيّار 2021

عظة البطريرك الكردينال مار بشاره بطرس الرَّاعي تكريس كنيسة بيت مريم – سيّدة لبنان – حريصا

بيان اجتماع المطارنة الموارنة – بكركي – الاربعاء 5 أيار 2021

الراعي: ولبنان لا يقوم من حالته من دون مؤتمر دوليّ يعلن حياده

الرّاعي من بعبدا: لا يوجد أيّ مبرّر أساسيّ لعدم تشكيل حكومة في ظلّ الواقع الحاليّ

عظة البطريرك الكردينال مار بشاره بطرس الرَّاعي –  اليوم العالمي للصلاة من أجل الدعوات

نشاط البطريرك الرّاعي لأمس الخميس- بكركي

البطريرك الراعي يستقبل رئيس التيار الوطني الحرّ النائب جبران باسيل

‫شاهد أيضًا‬

بطريركيّة القدس للّاتين تدعو للصّلاة من أجل العدل والسّلام في الأرض المقدّسة

تدعو بطريركيّة القدس للّاتين، بالتّعاون مع اللّجنة الأسقفيّة للرّهبان واتّحاد الرّاهبات في…