‫الرئيسية‬ صلوات و تأملات صلوات متفرقة انا بحبك بس بعدني ما عم حبّك مظبوط علمني يا رب حبّك أكتر
يناير 13, 2019

انا بحبك بس بعدني ما عم حبّك مظبوط علمني يا رب حبّك أكتر

المصدر: لطيفة - يسوعنا

الوردة كتير حلوة وتتفوح ريحتها بدها عناية وسقاية
وهيك نحنا الله عطانا النعمة مجاناً بس مش تنقعد وننبسط ونصدق حالنا
بالعكس من هون بتبلّش رحلة جهادنا
ما في شي عالهيّن
تيصير عنا صبر بدنا نمرق بأزمات ومصاعب وبقوة الله منتخطاها وهيك بيتعزّز صبرنا
وحتى نقدر نحبّ عن جدّ عنا مسيرة عمل وجهاد بدنا نعيشن ونختبرن ب حياتنا خاصة مع أقرب المقربين إلنا
ومش بالضرورة يكونوا أعداء بالطريقة المعروفة ولكن كلمتن بتجرحنا اكتر وبتعلق بذاكرتنا
هون الجهاد اليومي
انو نسامح يلّي منعيش معن ومنشوفن كل يوم
لأن البعيد عن العين بعيد عن القلب ومسامحته اهون بكتير
علّمنا يا رب نعيش محبتك ب حياتنا اليومية وخلي كلمتك تشتغل فينا وتغذينا من شان ما تموت النعمة يلّي وهبتنا ياها مجاناً
انا بشكرك يا رب ع كل احداث حياتي يلّي ب وقت من الأوقات كانت عم تجرحني ولكن معك صرت اقرأ هالأحداث ع ضو كلمتك وانجيلك وصرت اعرف اني نُميت وعم بنما مرة بعد مرة
بشكرك يا يسوع لأنك اخترتني كون من تلاميذك
بشكرك انك فتحت عيون قلبي وبصيرتي ع حبّك
بشكرك وما بقدر أوفيك
بس مسؤوليتي هلق عم تكبر اكتر واكتر
اعطيني القوة تكمّل المشوار
واذا انا متل مرات كتيرة ما كنت امينة متلك امسكلي إيدي ودلني ع طريقك
انا بحبك بس بعدني ما عم حبّك دايماً مظبوط
علمني يا رب حبّك عن جدّ
علمني لأنو دايماً رح ضلني انا الناقصة وانت وحدك الكامل منذ الأزل وإلى الأبد.

العودة إلى الصفحة الرئيسية

‫شاهد أيضًا‬

صلاة العاملين في وسائل التواصل الإجتماعي

أَيُها الربُّ الإِلَه، أَنتَ الذي أَرَدْتَ أَن تَتَواصَلَ مَعَ شَعبِكَ، فَأَرسَلتَ إِلَينا…