‫الرئيسية‬ قراءات روحية بالفيديو الشاعر حبيب بو أنطون: بعدو صليبك عالقهر موجوع مشهد ما عم بيروح من بالي
أبريل 9, 2020

بالفيديو الشاعر حبيب بو أنطون: بعدو صليبك عالقهر موجوع مشهد ما عم بيروح من بالي

الشاعر حبيب بو أنطون

بعدو صليبك عالقهر موجوع
مشهد ما عم بيروح من بالي
قديش انت كبير يا يسوع
تا تنصلب و تموت كرمالي

و لما بإيدك غمّقو المسمار
و دمّك نزِل يغفر خطايانا
لون الدمع عا خدود إمّك صار
احمر متل خمرِة عرس قانا

تاجك ما بيهِمّو الدهب و اللون
ارض و سما عِرفو إنت مينَك
انت الملك وحدك عا كل الكون
و اكليل شوكك تاج عا جبينك

قلبك عا جلجلتو انكوى
و موتك فِدي الانسان
شعبك من دموعو ارتوى
و عايش على الايمان
إنت الأمل إنت الدوا
زيح الحجر منشان
بِ قيامتك نقشع سوا
قيامِة شعب لبنان

‫شاهد أيضًا‬

“خُذْ مَا هُوَ لَكَ وٱذْهَبْ. فَأَنَا أُريدُ أَنْ أُعْطِيَ هذَا الأَخِيْر، كَمَا أَعْطَيْتُكَ”

السبت ٢٦ أيلول ٢٠٢٠ السبت من الأسبوع الأوّل بعد عيد الصليب “خُذْ مَا هُوَ لَكَ وٱذْه…