يوليو 3, 2021

رسالة من الأب مجدي العلاوي لابنه ماثيو

الأب مجدي العلاوي

لما الروح بتعانق السما بتصمت الكلمات، بتكرج الدمعات وبتحلى السما…

شو حلوة السماء وشو بحب السما وكيف بدي اوصلها وإتلاقى بألله وعيش بسلام.

روحك ماثيو عشقت وعانقت السماء وكل مشاريعك على الارض رح تكفيها معنا من السما.

بالصلاة صلة بين أهل الارض والسماء.

صِلِتنا هي صلاتنا مع العدرا ويسوع وأهل السما، صلّيلنا ونحنا ما رح نوقف صلاة هيدا إيماننا وهيدا رجانا ومع قيامة يسوع ما في موت في حياة ،فرح وسلام.

بتحبوا موتاكن؟

صلّلولن وهني من السماء بيشاركوكن ، كونوا علامة رجا بهالأرض تتنالوا مجد السماء…

مشروعك يا إبني سوا رح منكفي” صنّارة بدل سمكة”
صار وقت الصنارة السمكة بتكفي لوقت قصير بس الصنارة لكل العمر.

زيارات كتيرة قمت فيها يا بيي قبل إنتقالك للسماء، وعدت بتقديم الصنّارة لكتار من الأحبة واليوم إجا الوقت تنزور أهلنا ونقدم معك الصنّارة والرزق دايماً على الرب .

هيدا ماتيو وهيدي “ثورة الحب” كل واحد منا هوي ماتيو وسوا منحول حلمه لحقيقة…..

ماتيو من الأعالي مندعيك ترافقنا وتصلّليلنا تيكون مشروعك مصدر عيش لكل صياد عم بيفتش عالصنّارة.
منحبك #ماثيو_علاوي
خادم جمعية سعادة السماء الأب مجدي العلاوي.

‫شاهد أيضًا‬

عظة الكاردينال سيميرارو في قداس إعلان تطويب ساندرا ساباتيني

في ريميني، في كاتدرائية القديسة كولومبا، ترأس عميد مجمع دعاوى القديسين قداس إعلان تطويب سا…