‫‫‫‏‫أسبوع واحد مضت‬

شو مصدر الخوف والقلق اللي جواتك؟

الأب بيتر حنا

شو مصدر الخوف والقلق اللي جواتك؟

الجهد، اللي إنت بحاجة تعملو تحتى تثبت حالك..

إنت بحاجة لإنجازات، تيحبوك الناس..

بحاجة تكون قوي، تيهابوك الناس..

بحاجة تكون غني، تيقدّروك..

بحاجة تكون ناجح، تيحترموك..

إنت بحاجة.. بحاجة.. بحاجة..

محبة الناس متعبة، لأن بدا جهد..

ولأن محبة الناس، بتتغيّر مع الوقت وبدا ثمن، الإنسان بضل خايف يخسرها..

قديش الخوف جزء كبير من حياتنا..

هون بيجي دور يسوع…

يسوع بحرّرك،

بحررك من الخوف..

إذا ما عندك إنجازات، بخبرك قديش فيه إشيا حلوة وصغيرة ممكن تعملها، إشيا حقيقية، متل إنك تصلي لحدا، تسامحو، تساعدو، هودي الإشيا كبيرة كتير بعين الله..

إذا حسيت إنك فاشل، يسوع برجعلك ثقتك بحالك وبعلمك كيف ترجع توقف عإجريك وتكفّي..

إذا كنت ضعيف، بيوقف حدك أكتر تيقوّيك..

إذا كنت فقير، بكون هوي ثروتك وبحسسك قديش في إشيا كتير عندك ياها أهم من المصاري..

ما في فرح من دون حرية، وما في حرية حقيقية من دون يسوع..

الفرح هوي النتيجة، والحرية هي الطريقة، ويسوع هوي الطريق

‫شاهد أيضًا‬

كورونا يفجع رعيّة القليعة ويخطف خادمها!

خطف فيروس كورونا صباحًا خادم رعيّة القليعة المونسنيور منصور الحكيم، بعد خدمة دامت أكثر من …