ديسمبر 20, 2020

صمتك غريب، غريب كيف صمتَك بيحكي..

الأب بيتر حنا

صمتك غريب..

غريب كيف صمتَك بيحكي..

بعد كل هالنهار،

وصلت لعندك،

وحاطت براسي إحكيك بإشيا كتير..

بقيت أنا وياك..

عم إتطلع بعيونك،

وناطر بلّش إحكي..

ما عم إقدر..

غريب وين راح هالحكي اللي كنت محضّرو..

عيونك..

عم إتطلع بعيونك،

بلاقيك ساكت وعم تحكي..

بلاقيك عم تفهمني، من دون ما إحكي..

لشو الحكي؟!

أوقات الحب نظرة،

أوقات كل الحب والدفى بنظرة..

شو حلو حبك، ولو من دون كلام..

هيك إنتا، ومن دون حكي حكيت..

كيف بتقدر تشيل كل هالتقل هيك؟

يسوع،

عيونك وطني،

ولو كانو ساكتين،

هني كل الكلام اللي بدي إسمعو،

هني بيتي الدافي اللي بحنلو،

هني الصمت اللي بشتقلو..

يسوع،

شكرًا كتير،

شكرًا على كل الحب..