ديسمبر 6, 2020

فجأة بتوصل هالختيارة، تتسأل عن إبنا، طيب أنا شو مفروض قِلا؟

جوني مخيبر

(يوميات مسعف) ” شو مِنكيّة هالنهاية “

المشهد بِبَلّش هيك :

واقف قدام باب المستشفى عم نَضّف السيارة من بعد مُهمّة طلعناها.
يا ريت ذاكرتي متل هالسيارة، بتِتنَضَّف..

أو إنو في شي هيك هيّن، بيِقدِر يمَحيلي هالوَجع اللي عِشتو نهارِتا.
إبنا جُوّا بالطوارئ، بالأوضة اللي بيسَموها Rea أو Reanimation، هيدي الأوضة اللي بتشوف خبار ووَيلات ما حدا بيشوفا.

ما في نَفَس، ما في نبض، ما في شي
إبن ال٥٠ سنة فلّ، وأبشع فلّي، لمّا غَصِب عنّا منترُك هالدني ، ما منِقدَر نقول بخاطركُن، ولا نِسأل اللي بيحِبّونا إذا بَدّن شي.

أصعب فلّي، لمّا الإبن الأعذب اللي عايش مع إمو الختيارة، يفِلّ قبلا… كأنو كِل حِقِد هالدني صَبّ عَ حياة هالإم.

وفجأة بتوصل هالختيارة، تتسأل عن إبنا،

هيدا أكتر مشهد بكره شوفو أو عيشو.

ختيارة أكل الفقر من عمرا تَشِبِع، وتَركا مع تجاعيدا جوعانة، عم تِسألني كيفو؟ شو قَلكُن؟

طيب أنا شو مفروض قِلا ؟

” عَ نية الله” قِلتلا….

أولكُن بتِكفي هالجملة ؟

” عَ الباب ” وِقفِت وعيونا لَجوّا، عندا أمل تشوفو فاتح الباب وطالع مشي صَوبا…

وفجأة بيِفتَح الباب، وبيُطلَع حدا،

بِخَبّرا إنو كل شي انتهى..

عَم تِتخايلوا شو عِملِت؟؟؟

تخايلوا لأنو اللي صار ما فيي أوصفو أو إكتبو أو عبّر عنّو.

وهيك بيُخلَص المشهَد…

الأب مارتن عيد: مختصر كلمة الراعي…

الراعي من بكركي: نحن في هذا الصرح البطريركي نطرحُ مشاريعَ حلولٍ لا مشاريعَ مشاكل

من هو القدّيس الذي تصوّف في مدينة قريبة من طرابلس؟

رسالة مجلس أساقفة الاتحاد الأوروبي حول الحق في الإجهاض في بولندا

“كُلُّ مَا تَسْأَلُونَهُ في الصَّلاة، آمِنُوا أَنَّكُم نِلْتُمُوهُ، فَيَكُونَ لَكُم..”

التحضيرات للسبت الكبير في ساحة الصرح البطريركي في بكركي

غدًا… لبنان في قلب بكركي!

التأمل الأول لزمن الصوم مع واعظ القصر الرسولي

رئيس أساقفة إربيل للكلدان يأمل بأن يساهم حضور البابا في تعزيز دور المسيحيين في العراق

‫شاهد أيضًا‬

الأب مارتن عيد: مختصر كلمة الراعي…

مختصر كلمة الراعي… أنتم شعب لبنانأنتم لبنان البطريرك لا يُفرّق بين لبنانيّ وآخرالبطريرك لك…