‫الرئيسية‬ قراءات روحية لمّا طلبوني لَبّي أول مهمة كورونا ، كانت الساعة ٢ بنص الليل..
مارس 18, 2020

لمّا طلبوني لَبّي أول مهمة كورونا ، كانت الساعة ٢ بنص الليل..

جوني مخيبر

(يوميات مسعف) ” كامش السما “

لمّا طلبوني لَبّي أول مهمة الكورونا، كانت الساعة ٢ ونص بالليل..

حَضّرت حالي ورحت صوب أوضة أهلي تَخَبِرُن، لقيت إمي واعية، كأنو قلبا حَسّا، قَرّبت لعندا قِلتلا ما تعتلي هَمّ، بِستا ووَدَّعت بيي النايم بعيوني…

برمت ضهري ومشيت فشختين، قامِت من التخت وركضِت صَوبي، غَمرتني غمرة الخوف، فَلّتا بالقوة و قلتلا
” ما فيي إتأخر “…

” انتبه يا إمّي ع حالَك و عَ رفقاتَك ” قالتلي،
ردّيت ” أكيد ما تخافي، فوتي صلّي ونامي”،

فلّيت وكنت عارف إنو اللي ربتني ٢٦ سنة ما رح تفوت تنام، رح تكون واقفة عالشباك عم تراقبني بالخِفي، وأنا شِفتا وضحِكِت من قلبي..

إمّي ،
لمّا غمرتيني ليلتا، وشدّيتي ع إيديي، حسيت حالي كامِش السما…
ويلي السَما بضَهرو، ما في أرض بِترَكعو…

جوني مخيبر


أحدث المقالات:


‫شاهد أيضًا‬

كفرعبيدا ألقت نظرة الوداع على كاهنها البارّ الخورأسقف بولس الفغالي

ودّعت كنيسة مار سركيس وباخوس الرّعائيّة في كفرعبيدا الخورأسقف بولس الفغالي، في جنازة ترأّس…