أكتوبر 31, 2021

لمّا ينجح شخص قدامك تعلّم منو و نجاح متلو ما تنتقدو وتغار منّو

رسالة البابا فرنسيس للمشاركين في مؤتمر دولي حول العمل

الناس السلبيين يلي عم منشوفن بحياتنا اليومية كترانين كتير هودي الناس منحسّن عندن مشكل وحساسية عالحياة بشكل عام…

كل ما ينجاب سيرة شخص قدّامن همّن الوحيد يلاقوا شي ينتقدو فيه للشخص حتى لو ما بيعرفو شخصياً بس المهم ينتقدو وينتقدو نجاحو يلي تعب توصلّو هل الشخص الناجح…

الغريب بالموضوع هو انو هودي الناس يلي بيتقدو هني عاديين كتير…
الانجاز الوحيد يلي عاملينو بحياتن هو انن بعدن عايشين… لا اجتماعياً ولا مادياً ولا مهنياً شاطرين….
ما في شي ناجحين فيه من اصلو…

بس شو هالجرأة على الانتقاد لكل حدا بيعرفو وما بيعرفو…

قديش حلو التواضع بالعلاقات وبالحياة؟

قديش مهم انو نتذكر انو نجاح الغير مش معناته انو عم ياخد النجاح من قدامنا…
كلنا عنا مجال نبرع مش لازم نبرع على حساب حدا او كرمال حدا

قديش مزعج كبرياء الحياة؟

هيدا النوع من الناس شو ما تقلن بقولولك ايه منعرف وعن شو ما تحكي بيعملو حالن بيعرفو يعني مش معقول تقدر تخبرن عن شي جديد ما بيعرفو…

كتير حلو نمبسط لنجاح غيرنا مش لازم ننتقد لازم نعتبرو حافز وتحدي للنجاح تننجح نحنا بشي.

ومش غلط أبداً ما نعرف كلشي… مش رح تقل قيمة الشخص اذا قال على شي ما بيعرفو… المشكلة انو تقول انك بتعرف كلشي و تدعي انك بتعرف كلشي…

لمّا ينجح شخص قدامك تعلّم منو و نجاح متلو.

صح رح تاخد وقت زيادة معك الخبرية بس كون اكيد انك رح تتعلم منو و تنجح.

‫شاهد أيضًا‬

لماذا يجب الاهتمام بالأحداث؟

تيلي لوميار/ نورسات “الّذين في الحداثة أدّبهم”، هي طلبة من طلبات الكنيسة في ال…