نوفمبر 25, 2020

لو تعرفون كيف مات سامر!

المصدر: السياسة

“سامر كتير تعبان… وصراحة ما ضلّ مطرح ما اتصلت لامنلو بلاسما دم من مريض شفي من كورونا.. وكل مستشفى تقلي دق لغير مستشفى…”

هيدا ملخص مشوار سامر المأساوي مع كورونا ومع الاهمال الطبي يلي انتهى بوفاته عن ٣٥ سنة.

اقرأووا معي ما كتبه صديق سامر زياد الرموز، على صفحته فايسبوك:

قضية برسم وزارة الصحة وما تبقى من الضمير الانساني في هذا البلد. 


إقرأ أيضاً:

لنتذكّر معاً هذا الفيديو: ميشيل الحجل الناس اشتاقت لضحكتك…


حدث معي: 

الإثنين ٢٣ تشرين الثاني ٢٠٢٠

سامر مش مرتاح يا زياد… خير شو بي؟!… السبت انحرّ وتعب كتير نقلنيه على المستشفى وطلع معه كورونا… وصرله من السبت بالعناية الفايقة عم يعطوا اوكسيجين ومنيمينوا على بطنه وبعدا حرارته ٤٢ والاوكسيجين واطي بجسمه.. طيب ما عم يعطوا دوا… ؟ قالولنا مقطوع في منه عند الوكيل والوكيل مسكر.. قلتلا كيف هيك مستشفى مقطوع الدواء وبتطلب منكن تجيبوا انتوا الدوا والزلمي بروح من بين ايديكن.. اتصلت بصيدلية بعرفها بمنطقة الجديدة قالتلي موجود بس لازم تجيبوا تقرير حكيم ووصفة موحدة ونتيجة ال PCR.. وسعره 760,000 ل.ل هيك صار تركوا كل شي وراحوا جابوا الدوا يلي المستشفى ومحيطا مقطوع عندن وبقى الزلمي ٣ ايام بلا هالدوا… نحنا قلنا نشكر الله يمكن هلق بيتجاوب.. انما للأسف بالليل صارت حرارته ٤٣ وبلش يصير قي كسل بالكلاوي ونقص بالاوكسيجن.. واذا بترجع اليوم الثلثاء ٢٤ تشرين الثاني بتقلي بدنا بلاسما من شخص تعافى من الكورونا …سامر كتير تعبان… وصراحة ما ضلّ مطرح ما اتصلت… مستشفى العسكري…وزارة الصحة..مستشفى الحريري… بنك الدم… DONNER SANS COMPTER… وحطينا الاعلان.. وكل مستشفى تقلي دق لغير مستشفى… وانا قلّن يا عمي انتوا ما عندكن ملف لكل مريض وفئة دمه؟! الى ان حدا منعرفه قدم .. بس للأسف يمكن الوقت ما كان لصالحنا..  والموت ما بينطر حدا… وقف قلبه لسامر من شوي من بعد عدة محاولات انعاش … 

وآخر جملة او رسالة تبلغتا هييي سامر راح يا زياد..

ابن ٣٥ سنة يلي عم يحضّر لعرسه… راح… راح بكم يوم.. راح ما في وقت يخبر او يودع حدا… بس راح…

لأمتين يلي من حبّن رح يضلوا يروحوا… مش صحيح راح من الكورونا.. وهيداك من السرطان..وهيديك من حادث سيارة..وهيداك من رصاص طايش… لك هول عم يروحوا من ورا الإهمال… من ورا الإهمال والفوضى يلي عم نعيشها.. من ورا قلة المسؤولية وجشع المسؤولين والتفلّت الأمني…و دوا ما في… ما عندا المستشفى.؟! مقطوع؟! وانا كيف امنته؟!… وبلاسما مافي.. لك وينا غرفة الطوارئ… ما عندكن Data.. ما بق تعرفوا حدا عامل كورونا وصاحح… ما في بلاسما بالمستشفيات.. لك يا عيب الشوم على هيك لجان وهيك مسؤولين… اي عصر رجعتونا لك عصر الحجري مش هيك.. لك لازم المستشفى يكون عندا صلة تواصل مع اللجان او باقي المستشفيات… لك شو هالمستوى المنحدر يلي وصلناله… لك خليكن على كراسيكن … وانتوا خليكن عم تزقفولن.. مارح توقفوا الزقيف الا لما يبرم الدولاب وايديكن ما تلحق تمسح دموع الذل والقهر… 

اي سامر ضو ابن ال ٣٥ سنة ما مات كورونا مات من اهمال وفشل نظام بإمه وبيّو… نظام سياسي طبي اجتماعي اقتصادي تربوي فاشل فوضاوي… ما فيي قول غير الله يرحمك ويصبر اهلك وكل محبينك.. اليوم سامر يمكن بكرا انا او انت … الدني دولاب وما حدا فوق راسه خيمه وتصبحوا على وعي.”

البابا فرنسيس: إنَّ القديسة تريزيا الأفيليّة قد عرفت كيف تنقل السماء إلى الأرض

المطران يوسف سويف: الصيام والصلاة يشكلان عنوانا لعودة الانسان الى ذاته وربه

بهذه الكلمات هنّأ البطريرك ساكو المسلمين بحلول شهر رمضان!

عبد السّاتر: يا أيّها المسؤولون السّياسيّون في بلادي، إرحموا الشّعب اللّبنانيّ!

13 نيسان تذكار البار زوسيما

«لَقَدْ رَأَيْتُ الرَّبّ!…»

خطف خمسة كهنة وراهبتين كاثوليك في هايتي

وفاة الكاردينال الأستراليّ كاسيدي بعد 72 سنة في الكهنوت و51 في الأسقفيّة

مثل توما نحن… إنّنا قليلو الإيمان أو بالأحرى مشكّكون به

‫شاهد أيضًا‬

بهذه الكلمات هنّأ البطريرك ساكو المسلمين بحلول شهر رمضان!

وجّه بطريرك بابل للكلدان الكاردينال لويس روفائيل ساكو التّهنئة إلى المسلمين بحلول شهر رمضا…