ديسمبر 2, 2019

ما الذي جمع ناصيف زيتون مع أطفال Kids First مرضى السرطان

الإعلامية لارا نون

أطلق ناصيف زيتون أغنية “مش خايف منك”

بالتعاون مع جمعية Kids First دعماً لكافة الأطفال المرضى بالسرطان.

وقد جاء هذا التعاون إثر نداء أطلقه مؤسس وطبيب الجمعية الدكتور بيتر نون مناشداً الفنان ناصيف زيتون كي يلبي رغبة مئات الأطفال المرضى الذين يحلمون بالشفاء من خلال دعمه وإحساسه وصوته.

“مش خايف منك” هي عبارة عن أغنية تلامس الألم والجراح، تلامس مسيرة السرطان الذي يفتك بأجساد الأطفال البريئة، وتلامس الصلابة والرجاء والإرادة المتينة للتغلب على الخوف والمرض.

إنها أغنية إنسانية بإمتياز كتبها الشاعر الكبير منير بو عساف ولحّنها المبدع هشام بولس ووزّعها الأستاذ داني الحلو. “مش خايف منّك، أنا أقوى منّك، ومنّا فرقانة معي،

مش خايف منّك ولو عارف إنّك إنت سبب وجعي،

عندي أمل إشفى وإرجع لحياتي،

عندي أمل إرجع إلعب مع رفقاتي يلّي صاروا عنّي بعاد،

من وقت الصرت مريض ما عادوا لعبوا معي،

بدّي إرجع لمدرستي الصرلي فترة عنّا بعيد،

بدّي قلّا لمعلّمتي رح إنجح صفّي أكيد،

بدّي فرّح أهلي فيّي يلّي زعلوا كتير عليّي،

عندي إرادة قويّة لأنّو الله معي”

ومن الملاحظ عند مشاهدة الفيديو، من ملامح كافّة الأطفال المرضى الذين شاركوا في التصوير، أنّهم استطاعوا التعبير بشكل مؤثّر جّداً عن معاني الرسالة رغم وجعهم، رسالة الأمل والرجاء في الحياة والفرح رغم الألم.

يُذكر أن كافة عائدات هذه الأغنية تعود لـتأمين علاجات الأطفال المرضى الباهظة الثمن، وأن الفنان ناصيف زيتون قد تعهّد أن يحمل بصوته وحفلاته رسالة كل طفل يعاني من مرض السرطان في لبنان والعالم.

نبذة عن Kids First:

إن جمعية Kids First قد تأسست عام 2005 واستحصلت على علم وخبر برقم 437/أد بتاريخ 14 أيلول 2006 والمنشور بالجريدة الرسمية عدد 45 تاريخ 21 أيلول 2006.

تتمثل مهامها في مساعدة الأطفال المصابين بأمراض سرطانية وبأمراض الدم لتوفير الرعاية الطبية الكافية لهم ولتأمين كلفة الأدوية الباهظة الثمن، خصوصاً وأن نسبة الشفاء لدى الأطفال ما دون الـ 18 سنة تتخطى الـ 80%.

بِهدي هيدي الغنية ليارا فراشتنا يلّي صارت فوق…

بهديها لكل ملاك صار بالسما…

بهديها لكل عيلة دق بابها مرض السرطان…

بهديها لكل إم داقت المر وبعدني لليوم عم بسمع خبيط إيديها على حيطان المستشفى…

بهديها لكل أب انكسر من الوجع عولد من ولادو…

أسبوع الماضي، خبرني الدكتور بيتر مؤسس جمعية Kids First:

“لارا، بأسبوع واحد إجاني ٤ ولاد عندن سرطان… شي مش معقول… ولد عمرو أشهر”…
وياما… شوفو جايي مدمّع… وإفهم… بلا ما يحكي…

وبعد كمية هالوجع… منير بو عساف “كَتَب” بنفس الإحساس يلي بيكتب فيه لوائل كفوري وكبار الفنانين… وأكتر… وهشام بولس “لحّن” بنفس جنون الإحساس يلّي حطو بأغاني متل “لبنان رح يرجع”… وداني الحلو هالجندي المجهول “وزّع” متل ما بيوزّع لماجدة الرومي وعمالقة الفن اللبناني والعربي… داني يلي كان وبعدو ورا كل نجاحاتنا…

أما ناصيف زيتون… إجا عالعيادة عند بيتر… مدمّع… الولاد كلن ناطرينو… حامل كل الطيبة… كل الحب المجاني يلّي ما بقى يشبه إيامنا هيدي… ما حط ولا شرط… ما سأل ولا سؤال… عطانا إحساسو وصوتو… وقال: “كل عائدات هالغنية… إلكن”…

هيدي هيي قصة هالغنية بالمختصر… هيدي قصة من قصصنا… المليانة أبطال بالحب… بالعطاء… من دون أي مقابل…

كل قصة ونحنا وولادنا… بألف خير!

المطران سويف هنّأ بحلول الفطر السّعيد

ماذا أوكل البابا فرنسيس إلى قلب مريم الطّاهر؟

بطريركيّة القدس للّاتين تدعو للصّلاة من أجل العدل والسّلام في الأرض المقدّسة

14 أيار تذكار الشهيد بونيفاسيوس ورفاقه العشرين

انجيل اليوم مع الخوري كامل كامل: “لِكَي تَكُونَ لِكُلِّ مُؤْمِنٍ بِهِ حَيَاةٌ أَبَدِيَّة”

لم يمر العيد الا واخذ معه في رحلة ابدية ثلاثة ورود من ابناء جاليتنا في ساحل العاج

بعد أيام على فقدانها في وادي جنة نهر ابراهيم.. العثور على جثة الطفلة نورا حاطوم

صلاة إلى السيدة العذراء، شفاء المرضى

البطريرك ثيوفيلوس يدين أعمال العنف في القدس الشّرقيّة

‫شاهد أيضًا‬

بطريركيّة القدس للّاتين تدعو للصّلاة من أجل العدل والسّلام في الأرض المقدّسة

تدعو بطريركيّة القدس للّاتين، بالتّعاون مع اللّجنة الأسقفيّة للرّهبان واتّحاد الرّاهبات في…