‫الرئيسية‬ قراءات روحية منّك يا هالوبا ما منخاف… نشيد أكثر من رائع ألحان الأب جوزيف سويد
مايو 24, 2020

منّك يا هالوبا ما منخاف… نشيد أكثر من رائع ألحان الأب جوزيف سويد

نشيد الانتصار على كورونا، إنه دعوة إلى الاتحاد والصلاة من أجل القضاء على فيروس كورونا، وتحدّي “هذا الوحش” غير المرئي الذي يحصد حياة الملايين.

صوت : جوزف أبو خليل.

وعَ غَفلة بِتطِلّ مصيبِة

وبيطِلِّ الخَطَر.

يا هَالسَّما الدَّوا جِيبي

الوَباءِ انتَشَر.

قومُوا صلّوا وقولوا الله

واتحدُو بهالدِّنيي كِلَّا

فيه عِقدِة ولازم نحِلاّ

كِرمال البَشَر .

مينك يا هالوَحش الجايي

يَلّي ما بتِنشاف

العالم بِ بيُوتا مخِبَّايي

ومِنَّك عَم بِتخَاف

ما عِندَك حِرمة ولا دين

وتاريخَك أَسوَد لَعِين

داير تِحصُد لِملايين

ماشِي ومَا بتُوقَاف.

منَّك يا هالوبا ما مِنخَاف.

مهما غَدرَك بالكَون انتشر

كِلِّ المَسكُونِة بْوِجَّك رَح تُوقاف

وتَاخُد القوِّة مِن رَبِّ البَشر

عَم تسرق دَفا ولاد

وِتدَمِّر بلَاد

عَم تِحرمنا الفرحة الحلوِة

وْزينِةِ الأَعيَاد.

ناس عَم بِتمُوت

وتنطِفي شمُوعَا

صَار الكَون سكُوت

وِقلُوب مَوجُوعَا

مَهما صَار ما منِنهار

ضدّك رَح نوقَف ثُوَّار

لَيل نهــار وبالإصرَار

مَع أَطِبّــا وعُلَما كبَار

رَح نِنهِي المَوضُــوع

وِندَاوِي المَوجُـــــوع.

وترجَع فينا الأَرضِ تدُور

وِنكَفِّي المِشـــــــوَار

بِ عالَمـــــنا فِيه أَبطَـال

وِقفِت تتحَدَّاك

برغم جرُوحُن بقيُو رجَال

مَا خَافُوا الهَلاَك.

والنّــــــاس البَعدا مَوجوعا

عَم تِمضِي بِ حِبرِ دمُوعَا

لِلسَّمَا إِيدَا مَرفُوعَا

تَ يلاقُوا دَوَاك.

رح يِبقى الأمل مَوجود

ويبيَضِّ الدِّخّان

مهما لبسنا تياب السُّود

رَح يِبقى الإيمَان

وتِرجَعِ الأَرِض تِتعافى

وتِحمُل ولادَا عَ كتافا

والضِّحكِة تِرجَع عَ شفافَا

ويِنتصِرِ الإِنسَان.

وتِرجَع الأَرض تِتعَافى

ويِنتصِرِ الإِنسَان.


“مِنَّك يا هَالوَبا مَا مِنخَاف”.

شِعِر: دَاني يُونس.

مُوسِيقى: أبونا جوزف سوَيد

تَوزِيع: ماريو نَاكُوزي

صوت: الممثِّل جوزف أبو خليل.

كورال: ريتا سويد عَسّاف- ريما حشَيمي- أبونا جوزف سويد- ماريو ناكوزي.

أداء: ميشال خوري و جوانا قوزما

مونتاج: سرينا سويد.


‫شاهد أيضًا‬

رسالة الكاردينال بارولين بمناسبة الذكرى الخامسة والسبعين لنشأة الأمم المتحدة

“على مدى هذه السنوات الخمس والسبعين، قامت الأمم المتحدة بحماية القانون الدولي وخدمته…