ديسمبر 2, 2020

نسيت شو كان بدي من مار شربل.. وتحولت صلاتي لطلب من يسوع انو يشفي علي بشفاعة مار شربل

أبونا عادل علم

اليوم كنت بزيارة لدير عنايا، ومن الطبيعي انو زور ضريح قديس العالم كلو مار شربل وخصوصي انو كنت عايزو بكم شغلة…

اول ما بنزل قدام الضريح بتفاجأ بهالمشهد اللي بالصورة قدامكن…

وبسمع الحجة عم تسأل المرة اللي راكعة عل اليمين كيف بدا تصللي وشو بدا تقلو لمار شربل كرمال يشفي حفيدا علي اللي قاعد بوج الصورة،وصارت تشرحلا المرا انو صللي لالله متل ما انتي بتعرفي تصللي لان هوي اللي بيشفي بشفاعة مار شربل…

انا هون نسيت شو كان بدي من مار شربل وتحولت صلاتي لطلب منو انو يشفي لعلي بشفاعتو… وبس خلصت قربت لحد امو وسالتا شو بو علي، قالتلي مريض بالسرطان وجينا قبل زيارة لهون ورجعنا جينا اليوم لان ستو (الحجة) حلمت مار شربل قللا علي شفي وما عاد بو شي من هيك رجعنا جينا نزورو…

سالتا من وين جايين قالتلي نحنا عراقيي،سألتا ساكنين ب لبنان جاوبتني لا جينا حتى نطبب علي بلبنان بس بالاول قصدنا طبيب الكل مار شربل حتى يشفي… ورح نرجع نعملو فحص للخزعة تنتأكد بس قبل جينا نصلي ونشكر مار شربل …

رافقتن عند الابونا المسؤول ومشيت بطريقي فكر بعظمة هالقديس اللي عم يقصدو من كل العالم وقوي بقلبي الايمان بلبنان ووجود المسيحي بلبنان لأن هالقديس مار شربل ما رح يقبل انو يهاجر من لبنان او يبقى وحدو هون…

بالعكس عم بجيب العالم ع لبنان …

(بتمنى كلنا نصليلو لعلي)

يا شفيعي الحبيب وحاميّ، أنا أثق بشفاعتك القديرة لدى الربّ يسوع فانظر إلى ضعفي وباركني

في ذكرى دخول مار شربل إلى المحبسة…

أوجاع نهاد الشّامي التي محاها مار شربل بلمسة طيّبة تعلّم أوجاعنا دروسًا روحيّة غنيّة

اعجوبة منذ أيام : جئت مع اخي لشكر مار شربل على شفاعته بي وسجّلت الاعجوبة بتاريخ 7 كانون الاول 2020

نسيت شو كان بدي من مار شربل.. وتحولت صلاتي لطلب من يسوع انو يشفي علي بشفاعة مار شربل

بلادك الموجوعة يا شربل حرام، عم تاكل من جوعا وتتداو كمان…

بدي قِلّك من بعد ما السرطان صار ضيف دايم ببيوتنا..كَبِّر هالمستشفى عندَك صرنا كتار

شفاء الخوري لويس محفوظ من مرض الكلى

شربل بقلب القربان

‫شاهد أيضًا‬

في عيد الرّحمة الإلهيّة… يا يسوع، أنا أثق بك!

هو الأحد الأوّل بعد الفصح المجيد، أحد كرّسه البابا القدّيس يوحنّا بولس الثّاني عام 2000 لع…