‫‫‫‏‫4 أيام مضت‬

هني أحرار، لأن حطّوا الموت قدامن، تطلعو فيه بعيونو…

الأب بيتر حنا

مرضى السرطان..
شو هالأبطال!!
ما بيستحقو شفقة، الشفقة بيجوز إلنا نحنا،
هني بيستحقو الإحترام،
بيعلمونا شو معناتا الواحد إبتسامتو تكون من جوّا، ولو من برّا تعبان،
بيعلمونا شو معناتا الواحد يكون مؤمن، بوقت كل اللي حواليه خيفان..
بيعلمونا شو معناتا الواحد يكون قوي، فوق كل وجعو،
هني أحرار،
لأن حطّوا الموت قدامن، تطلعو فيه بعيونو،
وتحدّوه، وتحرّرو منّو..
ما حدا فينا فكّر يفكّر بالموت أو يتحداه،
نحنا منهرب بس،
منعيش وكأن رح نضل عايشين،
هني درس،
لاء، مش درس.. هني رسالة.. صغيرة..
كام كلمة،
عدد هالكلمات هني عدد سنينُن..
رسالة بيجوز بتِخْلص قِرايي بسرعة، بس بتضل بالفكر والروح،
لكل مريض، كان مريض أو بعدو،
بيجوز إنتا بحاجة لصلاتنا، بس نحنا بحاجة لأكتر من هيك،
نحنا بحاجة لنظرتَك، بحاجة للحقيقة، اللي قشعتا إنتا،
نحنا بحاجة، إلك..
إزا عم تفكّر شو ممكن الله يبعتلك،
نحنا هيك عم نفكر، إنو الله بعتلنا ياك..
الأب بيتر حنا
Michèle Hajal’s Support