‫الرئيسية‬ قراءات روحية يا أبونا أنا ما رح ايجي ع الكنيسة مرة تانية… وهيك كان جواب الأبونا
يناير 1, 2020

يا أبونا أنا ما رح ايجي ع الكنيسة مرة تانية… وهيك كان جواب الأبونا

قصّة وعبرة

الشاب: يا أبونا .. أنا ما رح إيجي ع الكنيسة مرة تانية.

الأبونا: ليش يا ابني.

الشاب: لانو عم شوف الناس بالكنيسة يلي عم يلعب بالموبايل ويلي عم يحكي مع التاني ويلي عم ينمنم ع رفيقو. وفي ناس عم تمثل يا أبونا، في ناس منافقين…

الأبونا: سكت و رجع قلّو, طيب ممكن قبل ما تاخد قرارك وتبطل تيجي ع الكنيسة تعمل شغلة كرمالي..

الشاب: أوكي يا أبونا تفضل.

الأبونا: خود كباية مي ولف حوالين الكنيسة مرتين وما بدي ولا نقطة مي توقع منك..

بتقدر ؟

الشاب: طبعا يا أبونا… حاضر,تكرم عينك.

ورجع الشاب ونجح ولا نقطة مي وقعت منّو…

الأبونا سألو ٣ أسئلة:

الأبونا: شفت حدا بيلعب في الموبايل..؟

الشاب: لأ

الأبونا: شفت حدا عم بينم ع التاني؟

الشاب: لأ

الأبونا: شفت حدا عم بيتصرف غلط.؟

الشاب: لأ, ما شفت شي يا ابونا, لأني كنت مركز عالكباية وانو ولا نقطة مي توقع منها…

الأبونا: تمام ياحبيبي. لكن بس تيجي ع الكنيسة, ركّز على الرب وبس… حتى ترتوي منه وتسمع صوته. وهيك بتروي آخرين… لانو يسوع قال اتبعني انا… ماقال اتبع المسيحيين…

احمر وجه الشاب وقال فهمت يا أبونا فهمت.حاضر…

‫شاهد أيضًا‬

“أَلحَقَّ أَقُولُ لَكُم: إِنَّ العَشَّارِيْنَ والزَّوَانِي يَسْبِقُونَكُم إِلى مَلَكُوتِ الله…”

الجمعة ٣٠ تشرين الاول ٢٠٢٠يوم الجمعة من الأسبوع السابع بعد عيد الصليب. “أَلحَقَّ أَق…