يا ريتك لبناني… ما كنت غبت!
يا ريتك لبناني… ما كنت غبت!
يا ريتك مسيحي لبناني ما كنت بقيت ببيتك!
يا ريتك مسلم لبناني ما كنت ترددت لحظة تكون بالصفوف الأمامية!
يا ريتك لبناني حرّ من استعباد واملاءات زعيمك ما كنت قبلت انك ما تكون!
يا ريتك بتحب حالك وعيلتك ووطنك ما كنت بتقبل يكون عندك غير مشاريع! (مع احترامنا للمرضى ويلي عندن ظروف قاهرة)
يا ريتك فهمت عبر التاريخ ولليوم ولكل يوم شو يعني بكركي ومع مين بكركي ما كنت وقعت بفخ تصنيف لقاء لبنان الواحد الجامع الحر السيد المستقل….!
يا ريتك بترد لقلبك ولعقلك قدسية كرامة أبناء الرب ،ما كنت بترفع علم غير علم بلادك ولا بتنجر بالمقاطعة عن بكركي الي حميت لبنان وحافظت كل العمر والتاريخ عالمسلم قبل المسيحي!
بس طال ما إنت عايش بصدفة خانقتك رح يضل راسك الخايف يطل تا يسرق النظرة سرقة وتشوف عيونك بعيون زعيمك الي وظفك وانت هلق بلا معاش، يلي علّم ولادك وهني هلق ببيوتن ناطرين كرتونة، لعيلتك الواهبتو أصواتا وهيي هلق مشتتة عا بواب السفارات…
مش ساعة يلي بدك بتكون بكركي كنيستك، مش ساعة إلى بدك بتقول بكركي مع العونية او مع القوات او مع الكتايب أو مع حزب الله أو أو….
بس أكيد انو لما ساعة يلي بدك بتكون لبناني عا مزاجك… فتأكد انك العمر كلو رح تضل مغترب ببلادك وخارج بلادك ومع ذاتك….
مؤسف، مؤلم ومُبكي إنك مع كل الظروف بعدك ناطر ظرف بقلبو ليرتين تا تعيش…
مش هيدي الكرامة ولا هيدي المواطنة ولا هيدا لبنان…
وكرمال ما نكمّل العمر متلك كلنا #معبكركي و #كلناللوطن وانت متل ما بدك كون…
برنامج الزّيارة الرّسوليّة لقداسة البابا لاوُن الرَّابع عشر إلى تُركيّا ولبنان
برنامج الزّيارة الرّسوليّة لقداسة البابا لاوُن الرَّابع عشر إلى تُركيّا ولبنان يقوم قداسة …
