فبراير 1, 2023

أول معهد تعليم مجاني لجمعية سعادة السماء

الأب مجدي العلاوي: 71 بالمية من المدمنين أعمارن تحت الـ 35 سنة، بيعنيلكن شي هالعمر؟ ليه بدن يقضوا على شبابنا؟

بتقول الإم تريزا:

“نحن أنفسنا نشعر بأن ما نفعله هو قطرة في محيط، لكن المحيط سوف يكون أقل إذا لم نعمل”.

صار العلم صعب والتعليم أصعب، وعم بقصد اللي ما فاتوا بحياتن عالمدرسة بسبب ظروفن والناس اللي استغلوهن وشغّلوهن عالطرقات.

قبل هالأزمة كان في مدارس لذوي الحاجات الخاصة وكان في وزارات عم تساعدن، بس اليوم صار في صعوبة كبيرة بالتعلم. في كتير أشخاص حكمت علين الدني والظروف ومنعتن يتعلموا وصاروا شباب وصبايا من دون مهن ووظايف. إذا بدنا وطن نحبو ما فينا نلغي مدرسة، لازم نلغي سجن وإستغلال وظلم وهيك منكون عم نبني وطن.

من هون قررت جمعية سعادة السماء تفتح أول معهد تعليم مجاني بيتضمن دورات سريعة لكل إنسان حابب يتعلم، ونحنا اليوم بحاجة لدعمكن.

خلينا نكون هالقطرة بالمحيط حتى نبني هالمعهد اللي ما بيفرّق بين لون أو جنس أو عرق أو دين وبحاجة لمساعدتكن تيصير جاهز خلال ٣ أشهر.

إتكالنا عالرب وعليكن حتى بالحب نبني مجتمع ونهدّم حواجز التفرقة والظلم.

أنا بشكركن سلفاً والرب يباركّن.

خادم جمعية سعادة السماء الأب مجدي العلاوي

‫شاهد أيضًا‬

في خميس الأسرار…

تيلي لوميار – نورسات – مارلين صليبي هو خميس الأسرار المبارك الذي نتأمّل فيه كم…