الأب مجدي العلاوي: لمّا الوجع والحِمل يتقل بيضل في قلوب بتحن…
عجوز ومتروك من دون رعاية…
مشلول ومرمي على سرير الوجع وما في عين سهرانة…
أطفال ناطرة عالشباك مين يدق الباب ويحمل الزاد…
لما الوجع والحمل يتقل بيضل في قلوب بتحن .
جمعية سعادة السماء وزعت اكتر من ٣٤٥٠ حصة غذائية على العيل وبعدها لليوم عم تطبخ بمطاعمها (الإزاز شكا،جبيل الأحلى ،برج حمود ،الشياح عين الرمانة، فرن الشباك).
تتأمن الوجبات الجاهزة Delivery لأهلنا بأصعب الظروف مع الوقاية والتعقيم.
والفضل دايما للرب يللي عم يهتم بولاده من خلال المحسنين إخوتنا يللي شعروا بوجع إخوتن وعم بيقدموا الطعام بوقته.
الشكر للمتطوعين يللي عم يتركوا عيالن تيأمنوا الطبخة السخنة مع السلطة والحلو لإخوتنا يللي الزمن قسي وتقل علين.
بقلبي غصة ودمعة على ناس عميت بصيرتها على شوفة الموجوع، سكرت دينيها عن أنين الموجعين…
ربي يسوع إنت قلت “أطلبوا تجدوا إقرعوا يفتح لكم ” شكرا على تلبية نداء كل موجوع شكرا على عنايتك ورعايتك شكرا على نورك يللي عم يخرق بيوت الموجوعين ويمنحن الرجا والإيمان وكل الحب…
شكرا يسوع بآلامك ،صليبك، موتك وقيامتك غلبت الموت وأنتصرت على الشر ونحنا ولادك على صورتك ومثالك ورجانا كبير بأنك معنا مبارح ،اليوم وللآبد.
برنامج الزّيارة الرّسوليّة لقداسة البابا لاوُن الرَّابع عشر إلى تُركيّا ولبنان
برنامج الزّيارة الرّسوليّة لقداسة البابا لاوُن الرَّابع عشر إلى تُركيّا ولبنان يقوم قداسة …
