المطران سليمان: يسوع معمّر بيوتكن

المطران سليمان: يسوع معمّر بيوتكن

سمعان يا ناطر من العهد القديم.

مشتاق تاخد بين إيديك العظيم!

لمّا وصل عالهيكل ونورو شرَق!

شعشع الهيكل والخليقة من القديم.

عم تنتظر يوصل الفادي من السما!

والناطر الأكبر إنت، شوقك عظيم!

لمّا وصل يا شيخ ضوَّت شيبتك.

مدّيت إيدك تاخد الربّ الرّحيم.

من حضن مريم طفل مفتاح السما.

شفتو المسيح الفيه أسرار النعيم!

ربّ السما والأرض أصبح بين دَيك!

ملبّك صرخت بكل قوّة من الصميم:

“يا رب أطلق عبدك الآن بسلام!

شفت الخلاص اليوم! خدني يا رحيم!”

ينعاد عليكن بالقداسة بعيد دخول يسوع للهيكل وانشالله دايمًا يسوع معمّر بيوتكن.

بيّكن المطران الياس سليمان.