بالفيديو: الختيار هو نعمة البيت…

بالفيديو: الختيار هو نعمة البيت...

صحيح غلّط السجين ، بس اعترف وتاب وانحكم بحسب عدالة الأرض، علي الفقيه ٢٥سنة بالحبس وصدر قرار بالإفراج عنه جسديا بس نفسيا كان مكبل بأنانية المجتمع والأهل والكل دانه وتركوه مسجون داخل أنانيتن وحقدن وعدم مسامحتن وغفرانن لأبنن.”لا تقسوا قلوبكم”.

اليوم علي وقبله عيتاني ومرعي ٣٩ سنة بالسجن والكل اتخلوا عنن ونبذون متل الأبرص ونسيوا برص الخطية يللي عامي قلوبن، نسيوا رحمة وعدالة ربنا ونسيوا كلام الرب .
“سامح ٧٠ مرة سبع مرات “.

“لا تدينوا كي لا تدانوا”.

البواب اتسكرت بوجن بس باب الرب ورحمته دايما مشرعة وما في غير قلب جمعية سعادة السماء يللي بيخفق وبينبض بالحب وهمه كرامة الإنسان ما بيهم اللون ،الدين او الطايفة ، العرق او الجنس لأن الرب إجا على الأرض تيخلص الإنسان ويرد كرامة الإنسان الضعيف،
المرذول ،المهمش ،يسوع إجا تيمحي العتمة ويردنا للنور بنعمة الروح القدس الساكن فينا ….

” فأجابَ يَسوعُ لا يَحتاجُ الأصِحَّاءُ إلى طبيبٍ، بَلِ المَرضى. ما جِئتُ لأدعُوَ الصَّالحينَ إلى التَّوبَةِ، بَلِ الخاطِئينَ”.

جمعية سعادة السماء استقبلت المساجين ،المنبوذين ،المشردين ونظرها دايما على المصلوب يللي عانق السماء والارض وصرخ من أعلى الصليب “أغفر لهم يا ابتي لأنهم لا يدرون ماذا يفعلون”.

خادم جمعية سعادة السماء الأب مجدي العلاوي.