بالفيديو الشاعر حبيب بو أنطون: بعدو صليبك عالقهر موجوع مشهد ما عم بيروح من بالي

القصّة الكاملة للصّليب العجائبيّ الّذي وُضع في ساحة مار بطرس- الفاتيكان!

بعدو صليبك عالقهر موجوع
مشهد ما عم بيروح من بالي
قديش انت كبير يا يسوع
تا تنصلب و تموت كرمالي

و لما بإيدك غمّقو المسمار
و دمّك نزِل يغفر خطايانا
لون الدمع عا خدود إمّك صار
احمر متل خمرِة عرس قانا

تاجك ما بيهِمّو الدهب و اللون
ارض و سما عِرفو إنت مينَك
انت الملك وحدك عا كل الكون
و اكليل شوكك تاج عا جبينك

قلبك عا جلجلتو انكوى
و موتك فِدي الانسان
شعبك من دموعو ارتوى
و عايش على الايمان
إنت الأمل إنت الدوا
زيح الحجر منشان
بِ قيامتك نقشع سوا
قيامِة شعب لبنان