صوت براسي قلّي رجاع شوفو آخر مرّة

إيمانى المسيحى يدفعنى لتوزيع ثروتى علي المرضى والجوعى

” آخر مرة “ رديتو من المستشفى ع بيتو، كنت عارف ومش عارف.

عارف إنو في شي جواتي عم يقلّي تأمل بعيونو منيح، ما رح يصرلك تشوفن بقى، ومش عارف إنو التَعَلُّق بالناس هلقد، رح يوَجعني.

قَعَدتو بتختو من بعد جلسة غسيل كلاوي، هيدي الجلسة اللي عاش قبلا ١٠٠ جلسة متلا، وكنت مرافقو ع مدار سنة كاملة، مرافقو بفرحو وبوجعو، مرافق عيلتو، وصرت إعتبر بيتو، بيتي التاني.

قَعَدتو بتختو، بخاطرك قلتلو ع أمل شوفو بعد يومين، وقفت ورا باب الأوضة، وقفت وكأنو في إيد انمدت ع كتافي، وصوت براسي قلّي رجاع شوفو آخر مرّة، هيدا الشخص اللي حبيتو وتعلّقت في، ضبّ غراضو وتارك هالدني.

رجعت، لقيت نظرة صغيرة عليه، ما حكيت شي، قلبي حكي وقلو “صليلي “، وفليت.

وتاني يوم، صار وقت الرحلة، وقف قلبو، وفلّ.