أغسطس 9, 2020

فخامة بيروت، كل ما يكسروكي بتزهري أضعاف من جديد

Untitled 1 Recovered 4

فخامتك

فخامة، الشعب اللبناني

فخامة، كل مواطن بيحمل الارزة بقلبو

فخامة، كل إم كل عيلة فقدة شقفة من قلبا

فخامة، كل صبيّة وشب حامل مكنسة

فخامة، كل وردة بيضا على نعش كل ضحيّة

فخامتكم، إنتو الوطن والوطن إلكن

إنتو فخر لبنان ولبنان بيفتخر فيكن

صوت تكنيس القزاز بشوارع بيروت أعلى من صوت الفشل والاستسلام

وأضوية السلولير للطاقم الطبي يللي عم بضمّض جروح الانسانية أقوى من الظلم والعتمة يللي هالبلد عم يعيشو.

فخامة بيروت، كل ما يكسروكي بتزهري أضعاف من جديد. طرقاتك أعرق من التاريخ وبيوتك أدفى من التلج يللي بيسقي أرزاتك.

مزمور النبي داود ال ٢٣ هو وعد لإلك ولشعبك المناضل لما بقول: حتى إذا مشيت بوادي ظل الموت ما بخاف من الشر لأنو إنت يا رب معي.

شعبنا يا رب، للاسف، متروك، منهوب، ومذلول.

رحمتك يا رب منطلب علينا وعلى بلادنا لأنو ما قلنا غيرك.

لمشاهدة الفيديو اضغط هنا

‫شاهد أيضًا‬

في خميس الأسرار…

تيلي لوميار – نورسات – مارلين صليبي هو خميس الأسرار المبارك الذي نتأمّل فيه كم…