لمّا طلبوني لَبّي أول مهمة كورونا، كانت الساعة ٢ بنص الليل..

لمّا طلبوني لَبّي أول مهمة كورونا، كانت الساعة ٢ بنص الليل..

(يوميات مسعف) ” كامش السما “

لمّا طلبوني لَبّي أول مهمة الكورونا، كانت الساعة ٢ ونص بالليل..

حَضّرت حالي ورحت صوب أوضة أهلي تَخَبِرُن، لقيت إمي واعية، كأنو قلبا حَسّا، قَرّبت لعندا قِلتلا ما تعتلي هَمّ، بِستا ووَدَّعت بيي النايم بعيوني…

برمت ضهري ومشيت فشختين، قامِت من التخت وركضِت صَوبي، غَمرتني غمرة الخوف، فَلّتا بالقوة و قلتلا
” ما فيي إتأخر “…

” انتبه يا إمّي ع حالَك و عَ رفقاتَك ” قالتلي،
ردّيت ” أكيد ما تخافي، فوتي صلّي ونامي”،

فلّيت وكنت عارف إنو اللي ربتني ٢٦ سنة ما رح تفوت تنام، رح تكون واقفة عالشباك عم تراقبني بالخِفي، وأنا شِفتا وضحِكِت من قلبي..

إمّي ،
لمّا غمرتيني ليلتا، وشدّيتي ع إيديي، حسيت حالي كامِش السما…
ويلي السَما بضَهرو، ما في أرض بِترَكعو…

جوني مخيبر

أحدث المقالات:

• الكاردينال يو: ما زال الأمر يستحق العناء أن نكون كهنة، نحن مدعوون لكي نكون سعداء
• البابا يستقبل أعضاء “الشبكة الوطنية لمدارس السلام”
• السبت الثالث من زمن القيامة
• يوم الجمعة الثالث من زمن القيامة
• بطريرك الأقباط الكاثوليك يهنئ الأمين العام المساعد الجديد لدائرة الكنائس الشرقية بالفاتيكان