مايو 24, 2020

ليش بتاخد منّا يا ربّ يلّي منحبُّن؟

ليش بتاخد منّا يا ربّ يلّي منحبُّن؟

و لا مرّة فكرت يا رب من قهري إكتبلك ، ولا مرّة فكرت من حزني إشكيلك!  بس اليوم حابب احكيك و اسألك. 

ما عم بعرف شو هل السّر…

ليش بتاخُد منّا يا رب يلي منحبّن؟

ليش بتزعّلنا وبتزّعل اهلن؟ 

ليش بتحرمنا و بطفّي قلوبن؟ 

ليش بينتقلو عنّا ومنبعد عننّ؟

ليش بل السما في كتار؟

كان حلو نكمّل معُن على الأرض المشوار.

كان حلو نشوفن و نشوف ولادن صارو كبار. 

كان حلو نضحك معُن ونخبرن أخبار. 

صعب نفهم حكمتك و بعدنا بالإيمان ولاد زغار.

صعب نفهم إنك أنتَ لبتخلق و انتَ لبتختار. 

صعب نفهم ليش منبكي وليش منحتار. 

بس عندي إلك يا ربّ طلبين زغار  

ما تتركني يا ربّ بيوم التجارب إنهار. 

وما تنسا تذكرُن مع الصدّيقين و الأبرار .

‫شاهد أيضًا‬

بطاركة ورؤساء كنائس القدس يجدّدون النداء من أجل السلام في الأرض المقدّسة

بطاركة ورؤساء كنائس القدس يجدّدون النداء من أجل السلام في الأرض المقدّسة | Abouna جدّد الب…