قراءات متفرقة - يناير 13, 2019

من جو رشيد: تذكّر هالحكي يا عم بس بدّك تقول عن جيلنا جيل فاشل ومغنج

المصدر: جو رشيد

“نحنا بعمرك فتحنا بيت وتزوجنا. انتو جيل مغنّج.”

انت بعمري، كانو أسعار الشقق والبيوت أرخص من هلّق ب٥٠٪؜ اذا مش أقل كمان.
انت بعمري، ما كان في هالقد نسبة بطالة وانهيار اقتصادي.
انت بعمري كانت الهجرة اهون بكتير ومين ما قدر كان فيو يسافر خمس سنين عالخليج وأفريقيا ويرجع معو ثروة مالية بتخولو يفتح بيت ومؤسسة متواضعة.

سلّمتونا بلد مهتري اجتماعياً، سياسيًا، اقتصاديًا وبيئيًا من بعد ما كان مستقطب اكبر نسبة مصارف ومؤسسات تجارية وشركات اجنبية وسوّاح بالشرق الأوسط.

سلّمتونا بلد انتو دمّرتو بسبب حروبكن التافهة اللي رجّعتنا مئات السنين لورا.

سلّمتونا بلد نسبة الدين العام من اعلى الارقام بالعالم بسبب مصاريف الاعمار من بعد ما نزعتو انتو وجيلكن.

ما فيكن تجو تفشو عقدكن فينا وبجيلنا من ورا حربكن اللي انتو شاركتو فيا ودمرتو حياتكن وحياتنا معكن.

تذكّر هالحكي يا عم بس بدّك تقول عن جيلنا جيل فاشل ومغنج

‫شاهد أيضًا‬

كاد طوني يموت فتدخّلت القديسة ريتا

لم يكن أمام طوني ما يخسره فقرّر تلاوة تساعية القدّيسة ريتا وحصلت المعجزة لن ينسى طوني رومو…