بلا القربان وبلا الإنجيل إيماننا بيصير مجرّد عواطف

الخوري نسيم قسطون

ظهورات؟!
آخر فترة عم تنتشر صور عالفيسبوك وعالواتساب…
صور من الغيم أو صور خيلات من ضو أو انعكاس ضو…
دغري بتنتشر لأنو بيفكروها يمكن ظهور ليسوع أو للعدرا…
حلو حماس الناس للأمور الدينية بس اذا هالقد في شوق لألله ليش ما بيترجم بطريقة أحلا وأحسن وأضمن؟
يسوع موجود كل الوقت بالقربان…
يسوع موجود كل الوقت بكلمتو بالكتاب المقدس…
ويسوع موجود بكل محتاج لتضامن نفسي أو اجتماعي أو مادّي أو روحي…
اذا فقدنا الدهشة قدام سرّ القربان وقدام غنى الإنجيل… ما إلنا حق نقول انو خلينا عا إيماننا لأنو بلا القربان وبلا الإنجيل إيماننا بيصير مجرّد عواطف بتسقط قدام أول تجربة…

العودة إلى الصفحة الرئيسية

‫شاهد أيضًا‬

قاعد، ساكِت، وصورتَك قبالي

تأمّل حواريّ قاعد، ساكِت، وصورتَك قبالي، ما في حَكي، وَحْدا النظرات كانت سيّدة المَوقَف، ي…