اولاد وكبار عم بتلم من الزبالة ومنسأل ليش وليش يا الله؟ بدكن الجواب؟؟

الأب مجدي العلاوي

زمن صوم ،صلاة وصدقة…….
جوعانين منقول ليش يا رب في جوعانين؟
مشردين منقول ليش يا رب في مشردين؟
حرب ومنقول ليش يارب في حرب؟
متروكين ومكبوبين على الطرقات ومنقول ليش يا رب؟
ولاد وكبار عم بتلم من الزبالة ومنسأل ليش وليش يا الله؟
بدكن الجواب ؟؟الله رح يسأل كل واحد منا شو عملت بس شفت ولد جوعان صليتلو؟أو قلتلو هلق بيجي حدا يساعدك أو كل الحق على الدولة أو على كنيستك ….
وبس تتلاقى ببردان شو بتقلوا؟بصليلك!او غطيته بحرام او عطيته جاكيتك! أواخدته على مطرح ينام فيه؟
كل واحد منا مسؤول عن هالبحيرة يللي نشفت وصارت صحراء وبدل ليش نقول يا ريت كل واحد منا يكون نقطة بهالبحيرة وسوا قادرين نمحي الجوع.
بس تحب مشيئة الله، ساعتها بتسمع صوت الله، رغم الضجة والظروف يللي بتحيطك وثاق وحب مشيئة الله.
انا متل كل شخص منكن عندي حلم، قضية ،قصة ،فكرت ،خططت ،
نظمت وسألت؟
اهم مهندس مين؟ وين بيكون؟وكيف بقدر أوصله؟
أهم نحات ؟ أهم طبيب؟أهم مزارع؟
قالولي في شخص واحد وما حدا بيقدر يعمل متله وهوي الله ،كرمال هيك كنت عم فتش على شخص يكون مدير ورئيس فخري لجمعية سعادة السماء وهوي يسوع .
ومين انا ؟انا خادم وشغيل عنده وهوي بيحط مشاريع وانا بخدم …
يللي عنده يسوع، ما عنده شي صعب ،مع يسوع ،ما في شي مستحيل .
تعالوا إلي أيها المتعبون وأنا أريحكم.
كونوا رحماء ،كما اباكم الذي في السماء رحوم.
أريد رحمة لا ذبيحة.
أحبوا بعضكم بعضا، كما أحببتكم.
أحبب قريبك كنفسك.
كل ما فعلتموه لأحد إخوتي هؤلاء الصغار فلي فعلتموه ،حتى لو كأس ماء باردة.
صللولي خادم جمعية سعادة السماء ،كاهن الطريق مجدي العلاوي.

‫شاهد أيضًا‬

إبن سنتين عم يتخبى بين البراميل وبينام بشبه غرفة من إترنيت ونيلون بين الزبالة

المجد لله. مين يسوع بالنسبة إلك؟ بمنطقة سد البوشرية، مرق سامري صالح وشاف إبن سنتين عم يتخب…