إبن سنتين عم يتخبى بين البراميل وبينام بشبه غرفة من إترنيت ونيلون بين الزبالة

المصدر: BonheurDuCiel Media

المجد لله.
مين يسوع بالنسبة إلك؟


بمنطقة سد البوشرية، مرق سامري صالح وشاف إبن سنتين عم يتخبى بين البراميل وبينام بشبه غرفة من إترنيت ونيلون بين الزبالة.

تحنن عليه وإتصل بأبونا مجدي ،وتبلغت السلطات المعنية بالأمر بليل ٢ نيسان ،بتعرفوا القوانين بلبنان !الصبي بكل لحظة معرض للموت قولكن لانه سيريلانكي ؟يمكن لو كان ببلده كان إستشهد مرة وحدة ومش مية مرة باليوم! كان شهيد بين هالشهداء يللي الأيادي السوداء مزقت أجساد الأبرار….أغفر لهم يا ابتي لانهم لا يدرون ماذا يفعلون!


_نعم يا ولادي التبليغ كان ب٢ نيسان واليوم ٢٥ نيسان مشكورين المسؤولين يللي سلمونها الطفل وإنضم لإخوته ببيت الرحمة الإلهية كفرمسحون .


بشكر القضاء اللبناني وإتحاد حماية الأحداث على اخد القرار قبل فوات الأوان.


شكرا يسوع لأنك دايما بتبعتلنا سامري صالح يبلسم ويداوي جراح الإنسانية الممزقة.


خادم جمعية سعادة السماء الأب مجدي العلاوي.

‫شاهد أيضًا‬

بالفيديو: من لبنان بلد الرسالة ،الأب مجدي العلاوي ومبادرة صناع الأمل – الإمارات العربية المتحدة

من لبنان بلد الرسالة ،الأب مجدي العلاوي كاهن الطريق وخادم جمعية سعادة السماء مرشح لان يكون…