ليل نهار ساجد وسكران قدام القربان المقدس ناسي حالك وعايش بصلاة وخشوع

في بدء تساعيّة مار شربل...

ريحة القداسة عبّت الكون وصمت الارض تزلزل بأعاجيب قديس.

بقاعكفرا ساجدة وشاهدة ع ولادة قدّيس وعنايا تهلل وترنم وتمجد الرب.

شربل تركت أهلك وتبعت الحب، ليل نهار ساجد وسكران قدام القربان المقدس ناسي حالك وعايش بصلاة وخشوع وبثباتك وصلاتك السما لامست الأرض.

يا شربل القديس بليلة عيدك الساحات فاضية لا ناس ولا هيئة عيد، غافي عهالتلة وعم تطلب صلاة لأهل الأرض، صلاة تشفي الروح، صلاة تشفي الأجساد، صلاة تشفي الكون من التملّك، السلطة، الأنانية، الحقد، الظلم.

صلاة ترجّع الطمأنينة

صلاة ترد الخاطي لبر الأمان.

يا شربل القديس بواب السما إيديك فتحهن يا شربل بعد….

ينعاد عليكن ومار شربل يرافقكن ويقود خطاكن.