ديسمبر 7, 2020

الخوري نسيم قسطون: الله ما خلقلنا راس للزينة، خلقو لنستعملو وإذا استعملناه نستعملو صح…

الخوري نسيم قسطون

بين الروحانية والعلم…

صحيح واكيد الله بيحمينا بس بيحمينا من خلال الاستفادة من العقل ومن العلم…

يعني الاتكال عا الله هو ثقة بالمواهب اللي ربنا زرعها بهالأرض ومنها موهبة العلم والبحث والمعرفة…

مع الأسف عم نوصل لنوع من الإيمان الممزوج بالقدريّة اللي أكيد مش جزء من إيماننا!

شي بيقلّك “الله هيك بدّو”…

شي بيقلّك: “أنا ما بدي إتواقى والله الحامي”…

شي بيقلّك: “كل هيدا كذبة ومؤامرة شيطانية ولا كمامة ولا غيرا”

وشي بيقلّك “متواقى” وبتلاقيه عامل منقل هوي واخواتو اللي كل واحد منهم بيشتغل بمطرح أو عم بيأرغلو سوا بفرد أرغيلة!

لأ يا جماعة، ما في “مقدّر ومكتوب” بإيماننا وإلّا منبطّل أحرار ومنبطّل مسؤولين عن أعمالنا وبتصير الدينونة بالإخرة بلا طعمة!

والله أكيد بيحميك بس تحط كمامة (هو خلق كل شي وخلفو منيح حسب سفر التكوين) وتعقّم إيديك وتحافظ عالتباعد!

وأكيد مش رح يقدر يحميك إذا شايف الوقاية مؤامرة والإستهتار قوّة إيمان!

وأكيد إذا عم تضحك عالناس بوقايتك المزيفة يمكن تعدي الأقربلك ومين بيعرف ما يموت حدا من وراك؟

الله ما خلقلنا راس للزينة… خلقو لنستعملو وإذا استعملناه نستعملو صح…

وإذا كان العلم نور وربنا هوي نور العالم فمعناتا فينا نتكّل عالعلم وبهالحالة منكون عم نعيش إيماننا!

‫شاهد أيضًا‬

البابا يوجه رسالة مصورة إلى الشعب العراقي عشية زيارته التاريخية إلى العراق

أطلب منكم جميعًا أن تقتدوا بإبراهيم، أي أن تسيروا بالرجاء، وألا تتوقفوا على النظر إلى النج…