بتعرف قديش شعبك بحاجتك؟ بتعرف قديش الناس ناطرينك؟

تذكار ختانة سيدنا يسوع المسيح

ناطرك.. بفرح كبير، ورجا أكبر، رغم كل شي..

بفرح كبير، ورجا أكبر، رغم كل شي..

ناطر هيديك الليلة، حتى إقعد بمغارتك الفقيرة، اللي فيها كل شي أنا بحاجتو،
رح إقعد عالأرض حدّك..
عالقَش..

رح إتطلّع فيك كتير، بعدين رح خبرك. فيه كتير خبار بقلبي..

سنة كانت صعبة عكل الناس.. فوضى، وفقر، وغضب وحزن ووباء..

من وين بدي بلش؟

بتعرف قديش شعبك بحاجتك؟

بتعرف قديش الناس ناطرينك؟

تعا، جيب معك سلامك..

قول كلمتك.. خلي هالأمواج تهدا يا يسوع..

الناس تعبت.. بس ما يأسِت..

الناس تألمت كتير، بس بدي خبرك شي، كلن بعدن عم يقولو إسمك..

توجعو كتير، ولكن صرخو إسمك بالعالي..

فيه ناس بِكيت كتير، وعيونا تعبت، بس عيونا بعدا صوبك..

خيبات أمل كتيرة وكبيرة، ولكن فيه إنت بعد.. وإنت رح تضل أمل الكل، دايمًا..
غمور الحزنانين، وطمّنهن، وعزّيهن..

فيه ناس خسرت أحبابها، ومش عارفين كيف بدن يكفو..

بعدن مش مصدقين..

المس قلوبن.. عطيهن راحة وثقة وساعدن يكفّو..

شباب قدامهن مستقبل، قوّيهن.. ناس خسرت كل تعبها.. عوّض عليهن..
والفقر عم يزور كتير عائلات يا رب، زور قلوبن وبيوتن، وملّيها من فرحك..

أرضك ناطرتك..

شعبك ناطرك..
تعا.. تعا يسوع