محامي الأب مجدي: بِ حال كانت جريمة قتل ما بدنا منّو شي”الله يسامحو”

هيدي الصورة عم أنشرا لأن استوقفتني من مبارح ومش قادرة اتخطَّاها…

يلِّي حاطط إيدَي عَ كتاف أبونا مجدي، هوِّي أبونا هاني طوق.
أبونا هاني خسر إمُّو بعدما شبّ ساعدو وسكَّنو بِ بيتو، قتلا… ومن كم سنة، طلع على الMTV، زار الشبّ بِ سجن روميه وقلُّو بسامحك.

مبارح، محامي الأب مجدي قال مع طوني خليفة، نحنا مكمّلين بِ التحقيق تَ نعرف مين القاتل (بِ حال كانت جريمة قتل) وبعدا ما بدنا منُّو شي، حتَّى صافدين حقّنا. الله يسامحو.

اتنَين عم يمدُّوا إيدُن لَ الضعيف، المحتاج، المدمن، الختيار… ما بيستاهلوا الأرض تكسرن هيك…